موناكو

موناكو تجمع بين الراحة و الفخامة و تذكرنا بقنفات بيت جدو!
شكلها يشبه القنفات التقليدية بس تصميمها يوفر راحة ميگدر يوفرها اي اثاث ثاني تقليدي.

تتوفر بـ5 الوان مختلفة و بخامات المخمل و الپالوما اللي تتناسب وية اي نوع من الديكورات و الترتيبات للمساحات الداخلية او الخارجية.


تفاصيل المنتج:
- الاستخدامات: شكل موناكو يخليها ترهم وية اثاث البيت بطريقة كلش مرتبة و تصميمها اللي يسند الجسم يخليها مريحة سواء للگعدة، اللمات و حتى للشغل!

- الغطاء الخارجي:
1 - المخمل: خامة قماش سادة تحتوي على غرز ناعمة تنطيها مظهر اكثر فخامة. تستخدم للمساحات الداخلية فقط.
2 - الپالوما: خامة قماش ناعمة و باردة، مقاومة للماء و لأشعة الشمس. تستخدم للمساحات الداخلية او الخارجية.

- الحشوة: حشوة موناكو هي كرات الفلين (الستايروفوم) اللي تاخذ شكل الجسم و توفر الراحة اللي يحتاجها الشخص بالضبط.

التنظيف:

الاغطية الخارجية لـ موناكو غير قابلة للازالة و لهذا احسن طريقة لتنظيفها تكون بأستخدام فرشة ناعمة و سائل تنظيف للمناطق اللي تحتاج تنظيف.

- تبديل الاغطية: ممكن يتبدل الغطاء الخارجي لـ موناكو بخامة ثانية و بأختيارات توصل لحد 6 الوان مختلفة مناسبة للمساحات الداخلية او الخارجية.

القياسات و الوزن:
قياسات موناكو هي 80 سم طول × 75 سم عرض × 90 سم ارتفاع.
وزن موناكو هو 5.5 كيلو.


ضمان المنتج:
موناكو مشمولة بضمان لمدة 6 اشهر يغطي:
- تبديل الغطاء الخارجي في حال التلف الصناعي.
- اضافة حشوة اضافية في حال نزول المنتج.