ويلو

ويلو هي الحضن المريح و صديقة العائلة!
اللي يميزها هو حجمها الكبير اللي يتكيف وية شكل الجسم و يوفرله درجة الراحة اللي يحتاجها بالضبط.
تكفي شخص واحد او شخصين على حسب استخدامكم الها و تعتبر اضافة كلش مريحة بالمكتب، بالهول، غرفة النوم و حتى بالحديقة.

تتوفر بـ20 لون مختلفة و عدة خامات تتناسب وية اي نوع من الديكورات و الترتيبات للمساحات الداخلية او الخارجية.


تفاصيل المنتج:
- الاستخدامات: ممكن استخدام ويلو بصورة عمودية بحيث تكفي شخص واحد بس او بصورة افقية بحيث تكفي شخصين يگعدون عليها او شخص واحد يتمدد عليها!
بالـ3 حالات، تعتبر اختيار كلش مريح!

- الغطاء الخارجي:
1 - الجلد: خامة ملسمها جلد ناعم تناسب الديكورات المكتبية و قاعات الالعاب كونها تنطي شكل افخم اكثر و تكون سهلة التنظيف. تستخدم للمساحات الداخلية فقط، اختيار مناسب كلش للجو اللي تكون حرارته معتدلة و ما تعتبر مناسبة للصيف خصوصاً اذا بغرفة بدون تبريد مستمر.
2 - الجينز: خامة قماش ملمسها قريب من الجينز، مقاومة للماء و لأشعة الشمس. تستخدم للمساحات الداخلية او الخارجية و تناسب كل الاجواء بغض النظر عن حرارتها.
3- السابيا: خامة قماش سادة ملمسها يكون اقرب لاثاث البيت الاعتيادي. تستخدم للمساحات الداخلية و تناسب كل الاجواء بغض النظر عن حرارتها.

- الغطاء الداخلي: كل خامات ويلو تجي بغطاء داخلي يوفر حماية اضافية للمنتج في حال تلف الغطاء الخارجي.

- الحشوة: حشوة ويلو هي كرات الفلين (الستايروفوم) اللي تاخذ شكل الجسم و توفر الراحة اللي يحتاجها الشخص بالضبط.

- تبديل الاغطية: ممكن تبديل الغطاء الخارجي لـ ويلو بخامة ثانية و بأختيارات توصل لحد 20 لون مختلفة.

التنظيف: 
1 - خامات الجلد و الجينز: الخامات هاية مو مناسب انه تنغسل، احسن طريقة لتنظيفها هي بأستخدام فرشة ناعمة و سائل تنظيف للمناطق اللي تحتاج تنظيف.
2 - خامة السابيا: الخامة هاية مناسبة انه تنغسل بالغسالة شرط ضبط الغسالة على برنامج الاقمشة الرقيقة بدرجة ماء باردة و بدون استخدام مواد التبييض.

القياسات و الوزن:
قياسات ويلو هي 92 سم قطر × 104 سم ارتفاع.
وزن ويلو هو 5 كيلو فقط، يعني يگدر اي شخص يغير مكانها بكل سهولة.

ضمان المنتج:
ويلو مشمولة بضمان مدته 6 اشهر يغطي:
- تبديل الغطاء الخارجي او الداخلي في حال التلف الصناعي.
- اضافة حشوة اضافية في حال نزول المنتج.